Hewlêr (Rûdaw) - Li navenda parêzgeha Erdexanê ya Bakurê Kurdistanê, îro nêzîkî metreyekê berf bariya.
Li parêzgeha Erdexanê du roj in li ser hev berf dibare û sermayeke zêde heye.
Li navenda bajêr stûrbûna berfê gihişte 96 santîmetreyan û otomobîl di bin berfê de man.
Çûn û hatina li nav bajêr rawestiya û welatî bi peyatî li kolanan bi zehmetî meşiyan.
Hinek welatiyan jî li ser rêyên bajêr kaşûn kir.
Tîmên Şaredariyê, tîmên Îdareya Taybet a Bajêr û tîmên Saziya Rêyên Bejahiyê ya Erdexanê, kolan û rêyên bajêr paqij dikin.
2 axur hilweşiyan
Li gundê Kinziyê yê Erdexanê ji ber berfê 2 axur hilweşiyan û di encam de 3 ajelên mezin mirar bûn.
Ji aliyê din ve, li tevahiya parêzgeha Erdexanê ji ber berf û pûkê, îro dibistan hatin girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse