Hewlêr (Rûdaw) – Li gundê Sersevanê yê navçeya Pîranê ya parêzgeha Amedê, 20 roj in elektrîk nîne.
DEDAŞê beriya 20 rojan trafoya gundê ku 80 mal lê hene rakiriye û biriye.
Parlamentera Partiya Partiya Wekhevî û Demokrasiyê ya Gelan (HEDEP)ya Amedê Adalet Kaya bi gundiyan re civiya û daxuyanî da.
Adalet Kayayê di axaftina xwe de diyar kir ku 20 roj in elektrîk nîne û car caran jî av jî qût dibe.
Kayayê wiha berdewam kir:
“Karmendên DEDAŞê trafoyê biriye. Nexweşên astengdar hene, bi hinek kesan re nexweşiyên kronîk hene û zarok li vir dijîn.
Gundî sedema rakirina trafoyê nizanin. Deyn nîne û elektrîka qaçex jî nehatiye dîtin.”
Kayayê xwest ku DEDAŞ têkildarî rewşê daxuyanî bide û demildest elektrîkê bigihîne gundiyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse