ÊLIH - Polîsan li xelkê xistibû, lêpirsînê dest pê kir

Hewlêr (Rûdaw) – Parêzgariya Êlihê da zanîn ku derbarê “tevgerên polîsan” lêpirsînê dest pê kiriye.

Wezareta Karên Navxwe ya Tirkiyeyê 4ê Çiriya Paşîn bi daxuyaniyeke nivîskî da zanîn ku wan qeyûm daniye ser şaredariyên parêzgehên Mêrdîn û Êlihê û navçeya Xelfetiyê ya Rihayê.

Gelê Bakurê Kurdistanê li gelek bajar û navçeyan protestoyan li dar dixe û vê biryarê şermezar dike.

Polîs jî li gelek deveran êrişî xelkê dikin û gelek kesan bi lêdanê desteser dikin.

Bi taybetî ji Êlihê gelek dîmen hatibûn ku şkence li xelkê tê kirin.

📌Ev der ne Xeze ye, Êliha Bakurê Kurdistanê ye

📌Şkence li xelkê ku li îradeya xwe xwedî derdikeve tê kirin

📌Polîsan bi dehan kes sipartine dîwarê Şaredariya Êlihê û destên wan ji paş ve girê dane

📸Komeleya Hiqûqnasên ji bo Azadiyê ya Şaxa Êlihê pic.twitter.com/JRfiiHIOnZ

— RudawKurdi (@RudawKurdi) November 4, 2024

Parêzgariya Êlihê bi daxuyaniyeke nivîskî got, “Li ser helwest û tevgerên polîsan ên dema desteserkirinê dest bi lêpirsîna îdarî hatiye kirin.”

Parêzgariyê îdia kir ku di protestoyan de 6 polîs jî birîndar bûne.

🔴Xelkê Êlihê li dijî tayînkirina qeyûm li ber xwe dide

🔴Polîs bi tundî êrişî xelkê dike#DEMParti #Qeyum #Elih #Merdin #Xelfeti #Esenyurt pic.twitter.com/0T6GUVs3Jq

— RudawKurdi (@RudawKurdi) November 4, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger