Hewlêr (Rûdaw) – Serokê Herêma Kurdistanê Nêçîrvan Barzanî, Cejna Cemayê ya Kurdên Êzidî pîroz kir.
Nêçîrvan Barzanî, bi minasebeta Cejna Cemayê peyamek belav kir û got, “Em dê wekî her gavê piştevan û parêzvanên maf û daxwazên wan bimînin.”
Peyama Nêçîrvan Barzanî ya Cejna Cemayê bi vî rengî ye:
“Cejna Cemayê ya xwişk û birayên me yên Êzidî yên li Kurdistanê, li Îraqê û li her cihê cihê cîhanê bi germî û pir ji dil pîroz dikim.
Ez ji bo hemûyan hêviya cejneke tena û aram dixwazim.
Hêvîdar im ev cejn û hemû cejn û bîrhatinên wan her gav bi xêr û xweşî vegerin.
Em dîsa welatiyên xwe yên Êzidî piştrast dikin ku em dê wekî her gavê piştevan û parêzvanên maf û daxwazên wan bimînin.
Her wiha Herêma Kurdistanê dê ji bo hemû pêkhateyên olî û neteweyî welatê pêkvejiyanê be.
Cejn li hemûyan pîroz be, her sal bi xêr û xweşî be.”
Cejna Cemayê ya Kurdên Êzidî her sal 6ê Çiriya Pêşîn dest pê dike heft rojan berdewam dike.
Cejna Cemayê li Perestgeha Lalişê tê pîrozkirin û pîrozbahiyên li Lalişê di nav gel de bi navê “Cemaya Şêx Hadî” tên naskirin.
Ez bi germî û pir bi dil Cejna Cemayê li tevahiya xûşk û birayên me yên Êzdî yên li Kurdistan, Iraq û li her cihekê cîhanê bin, pîroz dikim. Hêviya cejneke tena û aram ji bo hemûyan dixwazim, hêvîdarim ev cejne û hemû cejn û bîrhatinên wan, hertim bi xêr û xweşî vegerin.
— Nechirvan Barzani (@IKRPresident) October 6, 2024
Em…
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse