Hewlêr (Rûdaw) - Li navçeya Erdîşe yê Wanê xortek ji bo ku hênik bibe ket Gola Wanê û tê de xeniqî.
Muhammet Kabîr Pacalê 16 salî li nêzî Taxa Çelebîbagê ket golê û êdî jê derneket.
Li ser agahdarkirina kesên derûdorê ekîbên Ewlehiya Qeraxan û cendirme çûn cihê bûyerê.
Ekîban di golê de lêgerîn kir û cenazeyê Muhammet Kabîr Pacalê derxist.
Wan cenaze bir morga Nexweşxaneya Dewletê ya Erdîşê.
Ji aliyê din ve Murat Koçê 51 salî jî xwest Pacal xelas bike û ew jî hindik mabû ku bixeniqe.
Murat Koç li nexweşxaneyê tê dermankirin û hat gotin ku rewşa wî baş e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse