Nifşê Nû: 7 parlamenter û 35 çalakvan hatin desteserkirin

Hewlêr (Rûdaw) - Tevgera Nifşê Nû ragihand, di xwepêşandana îro de tevî komek ji rojnamevanan hemû serkirde û hejmarek xwebeşxên wan hatine desteserkirin.

Li çend bajarên Herêma Kurdistanê îro Şemiyê 6ê Tebaxa 2022yan 06-2022  xwepêşandan hatin kirin Tevgera Nifşê Nû li ser Facebookê dîmenek belav kir û dibêje, "Hemû serkirde û xwebexşên Nifşê Nû hatin girtin.  Herwiha bi sedan kesên din bêserûşûn in.”  

Li gorî wê daxuyaniya Tevgera Nifşê Nû, 7 parlamenter û 35 çalakvan hatine desteserkirin. Parlamenterên Nifşê Nû yên hatine desteserkirin ev in: Bedriya Îbrahîm, Viyan Ebdulezîz, Rêbwar Ewrehman, Omêd Mihemed, Mijde Mehmûd, Aryan Tawgozî û Mofeq Hisên.

Ji aliyê din ve Rêvebirê Navenda Metro ya parêzgarîya mafê rojnamevanan Rehman Xerîb ji Rûdawê re ragihand, ku di heyama 24 demjimarên derbasbûyî de 11 rojnamevan li parêzgehên Silêmanîyê, Hewlêrê û Duhokê ji alîyê hêzên ewlehiyê ve hatine desteserkirin. 

Rehman Xerîb got, "Weke Navenda Metroyê em daxwaza azadkirina desteserkiriyan dikin  û eşkere jî dikin ku hêzên ewlekariyê ji bo girtina hin rojnamevanan avêtine ser mal û ofîsên wan."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger