Li ser sînorê Sirûc-Kobaniyê bi hinceta PYDê kesek hat desteserkirin

Hewlêr (Rûdaw) - Li parêzgeha Rihayê û li ser sînorê Bakur û Rojavayê Kurdistanê, îro kesek bi hinceta “endamtiya PYDê” hat desteserkirin.

Medyaya fermî ya Tirkiyê ragihand, îro 6ê Temûzê dema “endamekî PYDê” dixwest ji Rojavayê Kurdistanê ve derbasî Bakurê Kurdistanê bibe li ser sînorê Sirûc-Kobaniyê hat desteserkirin.

Li gor nûçeyê, operasyon li ser zanyariyên îstixbarî hatiye kirin û derbarê kesê hatiye desteserkirin de lêpirsîn hatiye destpêkirin.

Kesê hatiye desteserkirin, bo Fermandariya Cendirmeyan a Sirûcê hatiye veguhastin.

Derbarê nasnameya wî kesî de hêj ti zanyarî nehatine belavkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger