Hewlêr (Rûdaw) - Li navçeya Xelatê ser bi parêzgeha Bedlîsê ya Bakurê Kurdistanê, dest bi ser 2 ton û 350 kîlo masiyên Gola Wanê de hat girtin ku bi qaçaxî hatibûn nêçîrkirin.
Parêzgariya Bedlîsê ragihand, tîmên Fermandariya Cendirmeyan a Bajêr û Fermandariya Cendirmayan a Xelatê ji bo rêgirîkirina nêçîra qaçax li Gola Wanê 4-5 Hezîranê li sînorên navçeya Xelatê pişkînîn kirin.
Di çarçoveya pişkînînan de dest bi ser 2 ton û 350 kîlo masiyên Gola Wanê de hat girtin ku bi qaçaxî hatibûn nêçîrkirin.
Masiyên bi qaçaxî hatibûn nêçîrkirin û torên masîvanan ku dest bi ser de hat girtin bo Rêveberiya Çandiniyê ya Xelatê hatin radestkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse