Hewlêr (Rûdaw) - Li Dîlokê birûskan li du cihan li tramvayên nava bajêr da û yek ji wan şewitî.
Ji ber barana gur birûskê li du cihan li tramvayên nava bajêr da, tramvaya di xeta navbera rawestgehên Gar û Karataşê de çûnûhatin dikir şewitî û û gelek rêwî tê de asê man.
Li ser agahdarkirinê tîmên Parastina Sivîlan çûn cihê bûyerê.
Rêwî ji tramvayê hatin derxistin û agir ji aliyê tîman ve hat vemirandin.
Şaredariya Dîlokê derbarê bûyerê de daxuyaniyek da û ragihand:
“Ji ber baran û şiliya zêde li du cihan birûskê li xeta tramvayê ya nava bajêr daye, di bûyeran de tramvayek şewitiye û ji kar ketiye.
Yek ji birûskan bûye sedem ku çûnûhatina di xeta Golluce û Taşlicayê bi awayekî demkî raweste.
Birûska din jî bûye sedem ku di xeta Karataş û Garê de li cihê tramvaya şewitî hejmara otobusan were zêdekirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse