Li Şehba şer û pevçûn derket

Hewlêr (Rûdaw) - Şeva borî, şer û pevçûn li eniya gundê Merenaz di navbera Hêzên Rizgarkirina Efrînê û grûpên çekdar ên opozisyona Sûriyê de derketin.

Li gor çavkaniyên xwecihî, şeva borî, derdora saet 10ê şevê, li eniya gundê Merenazê, şer û pevçûnên dijwar di navbera Hêzên Rizgarkirina Efrînê û grûpên çekdar ên opozisyona Sûriyê derketin.

Derbarê encamên şer û pevçûnan de, çavkaniyan tu zanyarî belav nekirine.

Roja 4ê Nîsanê, şerekî giran di navbera herdu aliyan de li hersê gundên Merenaz, Milkiyê û Şewarixet el-Erz derketibû û hêzên opozisyonê bi piştevaniya artêşa Tirkiyê hersê gund ji destê YPGê derxistibûn.

Lê piştî şerekî giran ku topxaneya hikûmeta Sûriyê jî tevlî bûbû, hêzên opozisyonê ji hersê gundên navborî hatibûn derxistin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger