Hewlêr (Rûdaw) – Li parêzgeha Sêrtê ya Bakurê Kurdistanê ji kesên ku guldexwînan jêkin re dê 244 hezar û 315 lire ceza bê birîn.
Guldexwînan li deverên bilind û asê yên çiyayên Kurdistanê şîn dibin. Taybetmendiyeke balkêş a vê gulê heye ku ew jî, dema tê jêkirin digirî û du rondik ji nav wê dikevin. Ev gula kesk û sor û zer ya taybet bi çiyayên Kurdistanê, eger ne li ser axa xwe be şîn nabe.
Ji bo parastina vê gulê li parêzgeha Sêrtê kesên ku jê bikin dê bêne cezakirin.
Rêveberiya Şaxa Sêrtê ya Parkên Neteweyî û Parastina Sirûştê ragihand ku xebatên bo parastina guldexwînan, berdewam dike.
Di daxuyaniyê de hat gotin ku emrê guldexwînan 20 roj in û di mehên biharê de çol û çiyayan şên dixemilîne.
Hat gotin ku guldexwîn taybetiyeke herêmê ye û jêkirina wê qedexe ye û li kesên vê yekê binpê bikin jî wê 244 hezar û 315 lire ceza bê birîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse