Hewlêr (Rûdaw) - Li parêzgehên Erzirom, Erdexan û Qersê yên Bakurê Kurdistanê ji ber berf û pûkê û keşûhewayê rêyên 909 gund û cihên niştecihbûnê hatin girtin.
Li çend parêzgehên Bakurê Kurdistanê sermayeke zêde heye û berf berdewam dike.
Li Erziromê barîna berf û pûkê berdewam dike û ji ber vê yekê rêyên 667 gundên deverên çiyayî hatine girtin.
Tîmên Şaredariya Bajarê Mezin a Erziromê ji bo vekirina rêyên girtî dest bi kar û xebatan kiriye.
Ji ber rewşa keşûhewayê li parêzgeha Qersê jî rêyên 22 gundan hatine girtin.
Tîmên îdareyên taybet ên wê parêzgehê kar û xebatên vekirina rêyan didomînin.
Li Erdexanê ji ber berfê dibistan hatin girtin
Berf li parêzgeha Erdexanê jî berdewam dike û ji ber berfê jiyana rojane zehmettir bûye.
Parêzgariya Erdexanê ragihand ku li tevahiya parêzgehê ji ber berf û pûkê pirsgirêkên çûn û hatinê çêdibin.
Li wî bajarê Bakurê Kurdistanê bi biryara parêzgariyê îro hemû dibistan hatin girtin û karmendên ducanî û astengdar dê neçin kar.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse