Hewlêr (Rûdaw) - Li navçeya Hewengê ser bi parêzgeha Rihayê ya Bakurê Kurdistanê cerdevanekê bi çeka xwe ya cerdevaniyê xwişka û zavayê xwe kuşt.
Li gor medya Tirkiyê li Taxa Kabacak a navçeya Hewengê cerdevanê bi navê Îzzet D. bi çeka xwe ya gundparêziyê teqe li xwîşka xwe ya bi navê Aysel Yaşar û hevjînê wê Îbrahîm Yaşar kiriye û ew birîndar kirine.
Li ser agahdarkirinê tîmên tendirûstî çûne cihê bûyerê û birîndar rakirine Nexweşxaneya Dewletê ya Hewengê.
Li gor zanyariyan Aysel Yaşar û hevjînê wê tevî hewildanên pizîşkî jî li nexweşxaneyê canê xwe ji dest dane.
Li gor agahiyên hatine belavkirin şer û pevçûn li ser zeviyan derketiye, lê ti hûrgilî nehatine dayîn.
Li aliyê din hêzên ewlekariyê ji bo destserkirina wî cerdevanî dest bi xebatên lêgerînê kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse