Hewlêr (Rûdaw) - Li parêzgeha Wanê ya Bakurê Kurdistanê careke din bi biryara parêzgariyê meş, çalakî û civînên bikom ên li derve 3 rojan hatin qedexekirin.
Parêzgariya Wanê doh di derbarê qedexeyê de li ser malpera xwe ya fermî daxuyaniyek belav kir.
Parêzgariya Wanê ya Bakurê Kurdistanê doh li ser malpera xwe ya fermî ragihand ku rojên Şemî û Yekşemê meş, çalakî, kampanyayên îmzeyan, çêkirina rapirsiyan, vedana kon û standan, daxuyaniyên çapemeniyê, belavkirina belavokan, xwepêşandan, çalakiyên rûniştinê û civînên bi kom ên li derve ji 5 heta 7ê Kanûna Pêşînê hatine qedexekirin.
Parêzgariya Wanê îdia dike ku qedexe “ji bo rêgirtina li êrişan”, “parastina can û malê welatiyan”, “jinavbirina rêxistinên terorê” û “pêkanîna ewlehiya niştîmanî” hatiye ragihandin.
Li gor daxuyaniyê, qedexe wan çalakiyan li xwe nagire ku parêzgarî destûrê dide.
Çend meh in bi berdewamî bi biryara parêzgariyê, li Wanê çalakî tên qedexekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse