Hewlêr (Rûdaw) - Dewriyeya bejayê ya hevbeş a duyemîn ku leşkerên Tirkiyê û Rûsyayê di çarçoveya rêkeftina Soçiyê de li rojhilatê Feratê pêk anîn.
Firokeyên bêpîlot û wesayîtên bizirx jî beşdarî dewriyeya duyemîn a Hêzên Çekdarên Tirkiyeyê (TSK) û karwana leşkerî ya Rûsyayê li rojhilatê Feratê bûn.
Karwana leşkerê Tirkiyê ku ji 4 wesayîtên bizirx pêk dihat, li rojhilatê navçeya Pirsûsa Rihaya Bakurê ji sînor derbas bû.
Dewriyeya hêzên Tirkiye û Rûsyayê di navbera rojhilatê Kobanî û rojavayê Girê Spî de pêk hat. Dewriyeyê qedera 2 saetan berdewam kir.
Xelkê Rojavayê Kurdistanê nerazîbûn û hêrsa xwe li beramber dewriyeya hevbeş a rûsî-tirkî nîşan dan.
Zarok û ciwanên Kurd li hinek deverên ku serbaz û wesayîtên Tirkiyê tê re derbas bûn, kevir, pêlav û şimik bi ser wan de barandin.
Karwana leşkerên Tirkiyê piştî temambûna dewriyeyê vegeriya ciyê xwe yê ser sînor.
Di çarçoveya rêkeftina Soçiyê de dewriyeya bejayê ya hevbeş a yekemîn a hêzên Tirkiye û Rûsyayê 1ê Mijdarê li herêma di navbera 40 kîlometre rojhilatê Serê Kaniyê û 30 kîlometre rojavayê Qamişloyê de hatibû kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse