Herêma Kurdistanê zêdeyî 28 milyar dolaran deyndar e
Serokwezîr Mesrûr Barzanî di raporta karê kabîneya xwe de ku li parlamentoyê pêşkêş kir, amaje bi deynên Herêma Kurdistanê kir û ragihand, Herêma Kurdistanê zêdetirî 28.4 milyar dolaran deyndar e.
Bi gotina Mesrûr Barzanî, zêdetirî 7 milyar û 256 milyon dolaran deynên navxwe li ser Hikûmeta Herêma Kurdistanê heye, herwiha zêdetirî 3 milyar û 916 milyon dolar jî deyên Banka Bazirganî ya Iraqê û Banka Kurdistanê ya Navdewletî li ser hikûmeta herêmê heye.
Serokwezîrê Herêma Kurdistanê destnîşan kir, pabendiyên darayî yên hikûmetê jî zêdeyî 8 milyar û 337 milyon dolar e û herwiha pabendiyên darayî yên hikûmetê yên taybet bi paşekewta mûçeyan jî zêdetirî 8 milyar û 966 milyon dolar e.