Hewlêr (Rûdaw) - Li Bakurê Kurdistanê di 2 qezayên trafîkê de 4 kesan canê xwe ji dest da û 2 kes jî birîndar bûn.
Li parêzgeha Erziromê ya Bakurê Kurdistanê barhilgirek û pîkabek li hev qelibîn.
Di qezayê de 3 kesan canê xwe ji dest da û 2 kes birîndar bûn, birîna yekî giran e.
Li ser rêya Erzirom-Îspîrê pîkaba ku M.K şofêrtiya wê dikir û barhilgira ku Î.K şofêrtiyê wê dikir li hev qelibîn.
Li ser agahdarkirinê tîmên tenduristiyê û cendirme çûn cihê bûyerê.
Birîndar û termên kesên ku canê xwe ji dest daye bi helîkopterê veguhastin nexweşxaneyên Erziromê.
Li gorî agahiyan rewşa şofêrê pîkabê ku birîndar e, baş e.
Kolik: Li stûnê kêleka rê qelibî
Her wiha li navçeya Kolikê ya parêzgeha Semsûrê jî otomobîlekê li stûnê beton ê li kêleka rê xist û di encamê de şofêr canê xwe ji dest da.
Li ser rêya Kolik-Semsûrê otomobîla ku Kadir Çobanê 45 salî şofêrtiya wê dikir li stûnê elektrîkê xist û di bûyerê de Kadir Çoban bi giranî birîndar bû.
Li ser agahdarkirinê tîmên tenduristiyê û cendirme çûn cihê bûyerê.
Tîman Kadir Çoban veguhast Nexweşxaneya Dewletê ya Kolikê.
Tevî hewldanên bijîşkan Çoban li nexweşxaneyê canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse