Hewlêr (Rûdaw) - Komîteya Têkiliyên Derve ya Koma Civakên Kurdistanê (KCK) li ser peymanên ku bi Enqereyê re hatine îmzekirin bangî Îraqê kir û got, “Ji vê şaşitiyê vegere.”
Nîvê meha tebaxê li Enqereya paytexta Tirkiyeyê Civîna 4emîn a Mekanîzmaya Ewlehiyê ya Asta Bilind hat kirin.
Şandeyên Tirkiye û Îraqê beşdarî civînan bûn û meyla wan zêdetir li ser PKK û mijarên “ewlehiyê” bû.
Koma Civakên Kurdistanê (KCK) li ser mijarê daxuyaniyeke nivîskî belav kir û bal kişand ser vê peymanê.
KCKyê diyar kir ku di êrişên Tirkiyeyê de sivîl tên kuştin û got:
“Ev şehadet heman piştî mohrkirina metnê lihevkirinê yê Tirkiye û Îraqê pêk hatin.
Diyar e ku ev metnê lihevkirinê ji bilî teror û komkujiyê tiştekî din ji gelê Kurd û gelên Îraqê re neaniye û dê neyîne.
Mebesta Tirkiyeyê ji bipêşketin, aramî û bipêşveçûna aboriyê ya Îraqê teror û komkujî ye.
Eşkere bû peymana ku Îraq û Tirkiyeyê hat mohr kiriye, dê bipêşketinê bi xwe re neyîne, dê komkujî û terorê bîne.
Gotinên bipêşketina aborî, ewlehî, aramî, perwerdeyê û rektorîkên din ji bilî nixumandina vê terorê û komkujiyê nayê ti wateyê.”
Bangî Îraqê kir
KCKyê diyar kir ku Tirkiye bi xwe re çekdarên komên cîhadîst tîne Başûrê Kurdistanê û bangî Îraqê kir:
“Em bang li Hikûmeta Îraqê, serok û partiyên wê yên siyasî dikin ku lihevkirina li gel Recep Tayyîp Erdogan tê wateya lihevkirina bi DAIŞê re û ev yek teqez berovajî berjewendiyên gel û dewleta Îraqê ye.”
KCKyê got ku “Divê ew peyman demildest bên betalkirin” û dê betalkirina peymanan di berjewendiya Îraqê de be.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse