Hewlêr (Rûdaw)- Serokwezîrê Herêma Kurdistanê Nêçîrvan Barzanî ragihand ku, ew amade ne pêwendiyên xwe ligel Îranê bihêztir û berfirehtir bike. Heriwha Îran jî dixwaze pêwendiyên xwe ligel Kurdistanê berfiretir bike.
Îro Nêçîrvan Barzanî pêşwazî li Konsulusê Îranê yê li Bexdayê Hesen Danayî Fer û şanda pêre kir.
Di hevdîtinê de şanda mêvan kêfxweşiya xwe li hember serdana Hewlêrê diyar kir, herwiha kêfxweşiya xwe li hember pêşkeftinên heyî yên li Kurdistanê de û herwiha serkeftinên Hêzên Pêşmerge li hember DIŞIê diyar kir.
Şanda îranî eşkere kir ku Îran dixwaze peywendiyên xwe yên ligel Herêma Kurdistanê berfiretir bike û tekez li ser berdewamiya piştgiriya Hikûmeta Îranê bo Herêma Kurdistanê kir.
Ji aliyê xwe ve jî Serokwezîrê Kurdistanê spasiya serdana şanda mêvan kir û kêfxweşiya xwe ya li hember biryara Îranê a bo bihêztirkirina pêwendiyên xwe ligel Kurdistanê de diyar kir û eşkere kir ku pêwendiyên di navbera herdu aliyan pêwendiyên dîrokî ne û di rojên dijwar de Komara Îslamî ya Îranê hevkar û alîgirê gelê kurd bûye.
Barzanî tekez kir ku, Herêma Kurdistanê amade ye hemû asankariyekê pêşkêş bike bo bihêzkirina pêwendiyên herdu aliyan di hemû waran de.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse