Li Mêrdînê 50 donim zevî şewitî
Hewlêr (Rûdaw) - Li navçeyên Şemrex û Qoserê yên parêzgeha Mêrdînê ya Bakurê Kurdistanê agir bi zeviyên çandiniyê ket û 50 donim zevî genim şewitî.
Li gundên Teraşî û Meşkoka Mezin ên Qoserê û gundê Dêşanê yê Şemrexê ji ber sedemeke nediyar agir bi zeviyên genim û ceh ket.
Agir ji ber ba di nav demeke kurt de belav bû.
Li ser agahdarkirinê tîmên parastinê yên sivîl çûn cihê bûyerê.
Tîman dest bi xebatên vemirandina agir kir û piştî demekê agir hat vemirandin.