Hewlêr (Rûdaw) - Cenazeyê zarokê bi navê Muhammed Bavliyê ku li navçeya Cizîrê 15 roj in winda bû, di Çemê Dîcleyê de hat dîtin.
Muhammed Bavliyê 16 salî, 22yê Adarê winda bûbû û malbata wî di heman rojê de xebera windabûna wî dabû.
Li gorî agahiyan Muhammed Bavlî herî dawî li rexê Çemê Dîcleyê hatiye dîtin.
Li ser agahdarkirinê, beriya 5 rojan, tîmên Şaredariya Cizîrê, tîmên AFADê û polîs çûn cihê bûyerê û wan li wê derê lêkolîn dabûn destpêkirin.
Tîman li Çemê Dîcleyê xebatên lêgerînê dabûn destpêkirin.
Di encama van xebatan de îro serê sibehê cenazeyê zarokê winda li nêzikî qereqola sînorî ya gundê Rûbaiyê yê navçeya Silopiyayê hat dîtin.
Tîmên tenduristiyê cenazeyê Bavlî ji bo otopsiyê bir newxeşxaneyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse