Hewlêr (Rûdaw) - DEM Partî, li Meclîsa Şaredariya Bajarê Mezin a Rihayê bi 33 kursiyan yekemîn e.
31ê Adarê li Tirkiye û Bakurê Kurdistanê hilbijartinên xwecihî hatin kirin.
Namzedê Partiya Yenîden Refahê Kasım Gulpınar bi ser ket û bû serokê Şaredariya Bajarê Mezin a Rihayê.
Lê DEM Partî li Meclîsa Şaredariyê yekemîn e.
Meclîsa Şaredariya Bajarê Mezin a Rihayê ji 86 kursiyan pêk tê û DEM Partiyê 33 kursî standine.
AK Partî bi 29 kursiyan di rêza duyem de ye û Yenîden Refah jî bi 19 kursiyan di rêza sêyem de cih digire.
Li hêla din, 5 kursiyên MHPyê jî hene.
Ji ber ku meclîsên şaredariyan li ser biryaran xwedîdev in dê hejmara kursiyên DEM Partiyê bandorê li biryarên Kasım Gulpınar bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse