Hewlêr (Rûdaw) - Li navçeya Yenişehirê ya Amedê di şerê bi kêran ê du koman de 2 kes hatin kuştin, 2 kes jî birîndar bûn.
Duh Duşemê li navçeya Yenişehîrê li rawestgeha minîbusan a li ser Kolana Yaşar Kemal di navbera du koman de ji ber sedemeke hêj nehatiye zanîn, şerê bi kêran derket.
Di şer de E.A, V.E, A.P. û B.E. bi derbeyên kêran birîndar bûn.
Li ser agdarkirinê, tîmên tenduristiyê yên 112 Bilez û yên polîsan bo cihê bûyerê hatin şandin.
Ji birîndarên bi ambulansan rakirin nexweşxaneyên li bajêr, V.E. û E.A. ligel hemû midaxeleyên bijîşkî ji mirinê rizgar nebûn. Dermankirina A.P. û B.E. jî didome.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse