Hewlêr (Rûdaw) – Tirkiyeyê û grûpên xwe yên çekdar êrişî çar gundên Efrîna Rojavayê Kurdistanê kir.
Tirkiyeyê grûpên çekdar ên bi ser wê ve, îro gundên Medîwne, Dêrqaq, Xerabşe û Til Înabê yên qezaya Şehbayê ya Efrînê topbaran kirin.
Heta niha li ser ziyanên êrişê ti daxuyanî nehatiye dayîn.
Tirkiyeyê doh jî gundê Dendeneyê yê Minbicê bombebaran kir û xisar gihand xaniyên sivîlan.
Dagirkirina Efrînê
Tirkiyeyê bi piştgiriya çekdarên mixalefeta Sûriyeyê 20ê Kanûna Paşîna 2018an êrişî Efrînê kir.
Şer û pevçûnan 58 rojan ajot lê Tirkiyeyê û grûpên çekdar Efrîn dagir kir.
Di van 6 salan de li Efrînê binpêkirinên zêde mezin ên wekî talankirin, kuştin û guhertina demografiyê ji aliyê grûpên çekdar ên ser bi Tirkiyeyê ve hatin kirin.
Di encama êrişên giran û dagirkirinê de bi sed hezaran Kurd ji mal û milkên xwe bûn û ketin ser rê û dirbên koçberiyê.
Tevî ku Neteweyên Yekbûyî, rêxistinên pêwendîdar û aliyên siyasî yên Kurd vê dagirkeriyê protesto dikin jî dagirkerî û tawanên hovane yên li dijî Kurdên Efrînê berdewam dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse