Hewlêr (Rûdaw) - Saziya Keşnasiyê ya Tirkiyeyê ragihand, tê pêşbînîkirin ku îro ji bilî parêzgeha Meletiyê li tevahiya parêzgehên Bakurê Kurdistanê dê berf û baran bibarin.
Saziya Keşnasiyê ya Tirkiyeyê ji bo parêzgehên Bakurê Kurdistanê hişyariya berf û baranê da.
Li gorî saziyê, li parêzgehên Erzirom, Qers, Wan, Şirnex, Colemêrg, Sêrt, Bedlîs, Erdexan, Dêrsim û Çewlîgê yên Bakurê Kurdistanê dê berf dibare.
Li parêzgehên Amed, Mêrdîn û Dîlokê jî dê berf û baran bi hev re bibarin.
Herwiha li parêzgeha Rihayê jî dê barana gur bibare û ji bilî Meletiyê li parêzgehên din ên Bakurê Kurdistanê dê baran bibare.
Li parêzgehên wekî Qers û Erziromê metirsiya qeşa û aşûtê jî heye.
Herwiha li Bakurê Kurdistanê pileya germahiyê li gorî demsalê di asta asayî de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse