Hewlêr (Rûdaw) - Li Çiyayê Kurmênc ê ser bi parêzgeha Laziqiyê ve şer û pevçûnên giran di navbera grûpên çekdar ên ser bi Tirkiyê û hêzên hikûmeta Sûriyê de derketin. Li gor çavkaniyên xwecihî ji herdu aliyan 13 kes hatine kuştin.
Grûpa bi navê Lîwa Osman Bin Efan a ser bi Desteya Tehrîr El-Şam li dijî binkeyên serbazî yên artêşa Sûriyê êrîşek pêk anîne. Çavkaniyên xwecihî dibêjin, di wan şer û pevçûnan de 13 kes hatine kuştin ku 6 ji wan çekdarên Desteya Tehrîr El-Şam bûne.
Êrîşa grûpên çekdar piştî wê yekê tê ku Tirkiyê di çarçoveya cîbicîhkirina rêkeftina ligel hêzên Rûsyayê de hêzên xwe ji bajarokê Qestûn ê rojavayê Hemayê ber bi bakur ve veguhestine.
Li aliyê din jî danûstandinên navbera hikûmetên Şam û Enqerê dîsan destpê kirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse