Wêne: Rûdaw Grafîk
Amed (Rûdaw) - Serdema dîjîtal bandorê li ser weşangeriyê jî dike ku di van serdemên dawî de berhemên Kurdî jî tên dîjîtalîzekirin. Di vê çarçoveyê de yekem sepana pirtûkên bideng ya dîjatal ji aliyê mamosteya zimanê Kurdî ya ku nehatiye tayînkirin Zeynep Sûltan Atli ve ve hat damezirandin. `Dengê Pirtûkan` derfeteke nû ye ji bo xwînerên Kurdî.
Çîrok, roman û helbest...
Di sepanê de çîrok, roman û helbestên ku hatine bidengkirin tên barkirin û bi rêbaza abonetiyê xwînerên Kurd dadixin telefonên xwe û gohdar dikin. Heta niha li sepana bi navê Dengê Pirtûkan 30 pirtûkên bideng û 120 jî pirtûkên dîjîtal bi awayek PDF hatine barkirin. Weşangerên kurd jî ji bo van pêşhateyên di qada Kurdî de kêfxweş in û ew jî êdî dixwazin pirtûkên Kurdî bikevin qada dîjîtal. Bi saya vê sepanê Kurdek ku qet nizane Kurdî bixwîne jî dê karibe roman û helbestên Kurdî guhdar bike.
Mamosteya zimanê Kurdî Zeynep Sultan Atli ew damezrînera yekem sepana (application) pirtûkên dîjîtal ya Kurdî ye. Mamosteya Kurdî piştî ku ji zaningehê derdiçe lê nayê tayînkirin ew bi çend hevalên xwe re vê fikra sepaneke pirtûkên dîjîtal ya bideng cîbicîh kirine. Ew niha di nav refên pirtûkxaneyekî de ji bo sepana xwe pirtûkên ku dê bideng bixin hildibijêre.
Dengê Pirtûkan
Di sepana bi navê Dengê Pirtûkan de cûre berhemên wêjeya Kurdî li bajarên cûda cûda tên bidengkirin û li sepanê tê barkirin û radestî bala xwîner û gohdarvanan tê kirin.
Damezrînera sepana Dengê Pirtûkan Zeynep Sultan Atli dibêje “Bi rastî dema em ketin nava sosysal medyayê me di asra dîjîtal de li netewên din nihêrî û me li halê xwe Kurda nihêrî me dît ku kêmasiyek dîjîtal di warê pirtûkê de di warê xwendinê de warê têzanîn û têgihîştina kurdî de gelek kêm maye.îro li her derê dinyayê Kurd hene lê nikarin xwe bigihînin xwendina pirtûkan ziman pêşnakeve, gohdarîkirin pêş nakeve. Me got gelo em çareseriyek çawa jê re bibînin. Piştî ku me dît di qadên dîjîtal de pirtûk weke e pirtûk cîh digrin bi vê awayî meriv bi hêsanî berguhka xwe dixe guhên xwe têlefona xwe vedike dixwîne û dikeve rêwîtîyek jî ser vê yekê bi vê helwest daxwazê me destpêkir.
Hejmara pirtûkan
Li sepana denge pirtûkan heta niha 30 pirtûkên Kurdî bideng û 120 pirtûkên Kurdî jî bi formata PDF hatine barkirin.
Zeynep Sûltan Atli got jî “Em niha di pêvajoyek gelek girîng de derbas dibin di warê Kurdî de. Her çiqas hilbijarebe jî hilbijartina dersên Kurdî Zazakî û Kurmancî gelek gelek muhîm in. Ev yek siberoja ziman jî diparêze. Li ser vê yekê me jî, wek bexşandin sed abonetî salane em didin wan xwendekarên ku Kurdî hilbijartine. Bira bêhtir bê axaftin ders bên hilbijartin qada Kurdî firehtir bibe.
Weşangerên Kurd jî yekem sepana dîjîtal a Kurdî bi germî pêşwazî dikin û piştevaniya xwe ji bo vê xebatê radigînin.
Piştgiriya weşanxaneyan
Xwedîyê Weşanxaneya J&J Azad Zal diyar kir “Bi navê dengê pirtûkan xebatek, projeyek heye ku hinek mamosteyan dest bi vê xebatê kirine. Em wek weşanxaneya J&J em dixwazin pêwendîdar bin em dixwazin piştgirî bidin vî karê. Çi bikeve ser milên me em dixwazin bi wan re bixebitin jî.”
Xwedîyê Weşanxaneya LÎSê Lal Laleş ragihand “Em bi xwe weke netewên Kurd guhên me li ser deng e. Çendî çevên me li nivîsê be gohên me ji ber çîrokên me, ji ber dengbêjiya me, ji dûrîk gelek hawariyên me ew çanda gelek nêzî rihê me ye. Di baweriya min de milletê me dê ji pirtûkên bideng hizbikin û dibe ku ev pêşketina yan jî ev cderibandina nû bike ku em bêhtir danustandinê bi zimanê xwe re, bi edebiyata xwe re bi nivîskarên xwe re daynin.”
Sepana pirtûkên dîjîtal heta niha ji aliyê 1000 xwînerî ve hatiye daxistin û roj bi roj eleqeya xwîneran ji sepanê re zêde dibe.
Lînka daxistina sepana Dengê Pirtûkan...
Hemû raport, nûçe û zanyariyên derbarê dersên Kurdî de bibîne...
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse