Ji bo Bakurê Kurdistanê hişyariya berf û baranê hat dayîn
Hewlêr (Rûdaw) - Saziya Keşnasiyê ya Tirkiyeyê ragihand ku tê pêşbînîkirin îro li 8 parêzgehan berf û baran û li 13 parêzgehan jî baran bibare.
Li gorî daxûyaniya Saziya Keşnasiyê ya Tirkiyeyê, îro li Amed, Qers, Meletî, Erzirom, Meletî û Wanê berf û baran û li jî li Riha û Dîlokê baran dibare.
Her wiha li çend herêmên Tirkiyeyê pileya germê 3 heta 5 pile dadikeve.
Hişyarî hatiye dayîn ku li cihên bilind egera aşûtê heye û divê saziyên pêwendîdar tedbîrên pêwîst wergirin.
Li gorî pêşbîniya heman saziyê, ji roja duşemê û pê ve ji ber hewaya germ a ku ji Cezayirê tê li seranserê Tirkiyeyê 6 heta 7 pileyan germahî zêde dibe.