Hewlêr (Rûdaw) - Li parêzgeha Bêdlîsê û navçeyên Bêgirî, Miks û Mehmûdiyeyê yên parêzgeha Wanê ya Bakurê Kurdistanê, îro ji ber berfê dibistan hatin girtin.
Li gelek herêmên Bakurê Kurdistanê, berf û baran berdewam dikin û bandoreke xirab li jiyana rojane dikin.
Parêzgariya Bêdlîsê ragihand ku li navenda bajêr û gundên ser bi navendê ve, ji ber berfê hemû dibistanên dewletê û yên taybet hatine girtin û perwerde nayê kirin.
Li gorî biryara parêzgariyê, karmendên jin ên ducanî û karmendên xwedî pêdiviyên taybet bi destûr tên hesibandin û îro naçin kar.
Qeymeqamtiyên Bêgirî, Miks û Mehmûdiyeyê jî ragihand ku li her sê navçeyan rewşa keşûhewayê bandoreke xirab li jiyanê kiriye û ji ber berfa ku dibare û qeşayê îro dibistan hatine girtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse