Li Sêwazê Çemê Qizilirmakê qeşa girt û rêyên 280 gundan hatin girtin

Hewlêr (Rûdaw) - Piştî berfeke zêde û hatina hewayeke sar, hinek beşên Çemê Qizilirmakê ku dikeve navçeya Kamîlava ‎yê Sêwaza Bakurê Kurdistanê qeşa girt û li tevahiya parêzgehê jî rêyên 280ê gund û mezrayan ji ber ‎berfê hatin girtin.‎

Du roj barîna berfeke zêde li Kamîlavaya Sêwazê û piştre hatina hewayeke sar, bandoreke nerênî li ‎jiyana rojane ya welatiyan kir, bi taybetî gundnişîn. Ji ber hewaya sar hinek beşên Çemê Qizilirmakê ‎qeşa girt û dîmenên balkêş derketin holê.‎

Ji ber berfa zêde bi taybetî li deverên çiyayî li tevahiya parêzgehê rêyên 280ê gund û mezrayan hatin ‎girtin. Tîmên ser bi Îdareya Taybet a Bajêr jî bo vekirina rêyan li ser kar û barên xwe berdewam in.‎

Li parêzgeha Xarpêtê jî rêyên 105 gundan ji ber berfê hatine girtin û di warê çûn û hatinê de pirsgirêk ‎derdikevin. Herwiha barîna berfa zêde bandoreke nerênî li jiyana rojane kiriye. Tîmên Rêveberiya ‎Taybet a Bajêr jî hewl didin rêyên hatine girtin, vekin.‎

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger