Nêçîrvan Barzanî balyozê nû yê Îmaratê qebûl kir

Hewlêr (Rûdaw) – Serokê Herêma Kurdistanê Nêçîrvan Barzanî balyozê nû yê Îmaratê yê Îraqê Xemîs Mezûî qebûl kir.

Serokatiya Herêma Kurdistanê da zanîn ku Nêçîrvan Barzanî, Xemîs Mezûî pîroz kiriye û jê re serkeftin xwestiye.

Li gorî daxuyaniyê, Xemîs Mezûî silavên Serokê Îmaratê Şêx Mihemed Bin Zayd Al Nehyan li Nêçîrvan Barzanî kirine.

Xemîs Mezûî her wiha pesnê pêwendiyên Îmaratê yên bi Îraq û Herêma Kurdistanê re daye û diyar kiriye ku Îmarat dixwaze pêwendiyên xwe yên bi Herêma Kurdistanê re baştir bike.

Serokê Herêma Kurdistanê jî silavên xwe ji Şêx Mihemed Bin Zayd Al Nehyan re şandine û ji bo piştgiriya ku dide Îraq û Herêma Kurdistanê spasiya Îmaratê kiriye.

Nêçîrvan Barzanî û Xemîs Mezûî nêrînên xwe yên li ser berfirehkirina alîkariyên di beşên cuda de anîne zimên.

Li gorî daxuyaniyê, rûdanên li herêmê û rewşa Sûriyeyê jî di civîna wan de hatine nirxandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger