Hewlêr (Rûdaw) - Li Dêrazor û Hesekê bi mûşekan êrişî baregehên Xirab Cir û Zeviya El-Omerê yên Amerîkayê kirin
Balafirgeha Xirab Cir a li parêzgeha Hesekê û Zeviya El-Omerê ya petrolê ya li Dêrezora ku artêşa Amarîkayê lê ne, bi mûşekan êriş hat kirin.
Hate hînbûn ku di êrişan de mûşek li baregeh û derdora wan ketine lê derbarê kuştî û birîndaran de ti agahî nehatine bidestxistin.
Herwiha li derdora baregehê tedbîrên ewlehiyê hatin zêdekirin.
Piştî şerê Hemas û Îsraîlê, baregehên Amerîkayê yên li Îraq û Sûriyeyê gelek caran rastî êrişan tên.
Li Rojavayê Kurdistanê û Sûriyeyê jî beriya niha bi dronan êrişî baregehên artêşa Amarîkayê yên li herêma Tenef, bajarê Dêrikê, navçeya Şedadê ya Hesekê û Dêra Zorê hatibûn kirin.
Grûpên ser bi Îranê car caran bi mûşek û dronan êrişî baregehên Amerîkayê yên li rojhilatê Çemê Firatê dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse