Hewlêr (Rûdaw)- Şandeke hikûmeta Tirkiyeyê bi serokatiya Şêwirmendê Wezareta Derve yê wî welatî Ferîdûn Sinirlîoglu duhî hat Hewlêrê û ligel Serokwezîrê Herêma Kurdistanê Nêçîrvan Barzanî û Wezîrê Pêşmerge Mistefa Seyîd Qadir civiya.
Çavkaniyekî ji Rûdawê re ragihand: “Şevê din şanda hikûmeta Tirkiyeyê ligel Serokwezîrê Herêma Kurdistanê Nêçîrvan Barzanî û Wezîrê Pêşmerge Mistefa Seyîd Qadir civiya.”
Derbarê naveroka civînê wî çavkanî ti agahiyên din nede, tenê got: “Encamên civînê erênî bûn.”
Ferîdûn Sinirlîoglu ku yek ji şêwirmendên mezin ên Wezareta Derve ya Tirkiyeyê, serokatiya wê şandê dikir.
Hatina vê şanda hikûmeta Tirkiyeyê ji ber wê yekê balkêş e ku ji destpêka êrişên DAIŞê li dijî Başûrê Kurdistanê, ev cara yekem e şandeke tirk bi fermî serdana Herêma Kurdistanê dike.
Li ser helwesta Tirkiyeyê li hember êrişên DAIŞê li dijî Başûrê Kurdistanê, Serokê Herêma Kurdistanê Mesûd Barzanî gotibû, em li bendê bûn Tirkiyeyê zêdetir alîkariya me bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse