Hewlêr (Rûdaw) - Li navçeya Maciran a parêzgeha Sêwazê ya Bakurê Kurdistanê, otobûsa rêwiyan wergeriya û di qezayê de 24 kes birîndar bûn.
Qeza derengiya şeva borî çêbû.
Otobûsa rêwiyan a ku C.K. (65) diajot û ber bi Erzinganê ve diçû, li ser rêya Sêwaz-Erzinganê qulibî û 24 kes birîndar bûn.
Li ser agahdarkirinê, tîmên tenduristiyê, polîs û cendirme çûn cihê qezayê.
Tîmên tenduristiyê birîndar veguhastin Nexweşxaneya Dewletê ya Maciranê.
Li gorî agahiyên hatine belavkirin, rewşa birîndaran baş e.
Parêzgariya Sêwazê jî derbarê qezayê ragihand ku dema ajokar xwestiye bide pêşiya otomobîleke din, otobûs ji kontrola wî derketiye û wergeriyaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse