Hewlêr (Rûdaw) - Fermandarê Giştî yê Hêzên Sûriya Demokratîk (HSD) Mazlûm Ebdî ragihand ku rewşa li Dêrerzorê ber bi aramiyê ve diçe.
Piştî desteserkirina Serokê Encûmena Leşkerî ya Dêrezorê Ehmed el-Xebîl Ebû Xewle, li herêmê alozî gur bûn.
Fermandarê Giştî yê HSDyê Mazlûm Ebdî li ser hesabê xwe yê medyaya civakî Xê derbarê rewşa Dêrezor, Minbic û Til Temirê daxuyanî da.
Bi gotina Mazlûm Ebdî rewş ber bi aramiyê ve diçe.
Mazlûm Ebdî li ser hesabê xwe yê Xê wiha nivisiye:
“Bi hevkarî û piştgiriya xelkê me yê Dêrezorê, hêzên me dê bi operasyona Xurtkirina Ewlehiyê, xebatên pêkanîna aramiya li herêmê û peydakirina ewlehiyê, berdewam bikin.”
Mazlûm Ebdî herwiha got, “Rewş bi saya civaka xwecihî, êşirên herêmê û HSDyê, ber bi aramiyê û parastina aştiya navneteweyî ve diçe.
Lê dewleta Tirk a dagirker bi armanca têkbirina aramiya li herêmê û tunekirina îradeya gelê me, êrişî Til Temir û Minbicê dike.”
2/2
— Mazloum Abdî مظلوم عبدي (@MazloumAbdi) September 4, 2023
However, Turkish occupation state and its mercenaries are still launching offensives on Tel Tamr and Manbij to defeat our people's will and create chaos.
Çi rû da?
Hêzên Sûriyeya Demokratîk (HSD) bi piştîvaniya Hêzên Hevpeymaniya Navdewletî 27ê Tebaxê li parêzgeha Dêrezorê operasyoneke berfireh a bi navê “Xurtkirina Ewlehiyê” dabû destpêkirin.
Di operasyonên HSDyê de serokê Encûmena Leşkerî ya Dêrezorê Ehmed el-Xebîl Ebû Xewle û çend kesên nêzîkî wî hatibûn desteserkirin.
Piştî desteserkirina serokê Encûmena Leşkerî ya Dêrezorê Ehmed el-Xebîl Ebû Xewle, li herêmê alozî gur bûn.
Li ser vê yekê, alîgirên Ebû Xewle êrişî xalên HSDyê û Hêzên Ewlekariya Hundirîn kir.
Herwiha çekdarên din jî êrişî binkeya HSDyê ya li bajarokê El Besîrayê yê li gundewarê rojhilatê Dêrezorê kir.
Rêxistina Çavdêriya Mafên Mirovan a Sûriyeyê (SOHR) ragihandiye ku di şer û pevçûnan de heta niha zêdeyî 52 kesan hatine kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse