Şaredarê nû yê Xinûsê hat hilbijartin
Hewlêr (Rûdaw) - Berbijêrê AK Partiyê Serdal Şan bû şaredarê nû yê navçeya Xinûsa Erzeromê.
Li navçeya Xinûsê ya Erzeroma Bakurê Kurdistanê, piştî ku Şaredar Erdogan Eren canê xwe ji dest da di nav Meclîsa Şaredariyê de hilbijartin hat kirin.
Şaredarê Xinûsê Erdogan Erenê ku di bernameya 15ê Tîrmehê de celteya dil lê dabû, roja 25ê Tîrmehê li nexweşxaneyê canê xwe ji dest da.
Duh di nav Meclîsa Şaredariyê de ku 9 endamên AK Partiyê, 5 endamên HDPyê û endamekî MHPyê hene ji bo diyarkirina şaredarê nû hilbijartin hat kirin.
Di hilbijartina ku berbijêrê AK Partiyê û HDPyê pêşbazî kirin de Serdal Şan bi 10 dengan weke şaredarê nû yê Xinûsê hat hilbijartin.
Berbijêrê HDPyê jî 5 deng wergirtin.