Li Rihayê otomobîl wergeriya: 5 kes birîndar bûn

Hewlêr (Rûdaw) - Li bajarê Rihayê yê Bakurê Kurdistanê di yekem roja cejna Remezanê de, otomobîlek ji kontrola şofêr derket û wergeriya, di encam de ji malbatekê 5 kes birîndar bûn.

Bûyer îro danê nîvro li Taxa Taşlica ya bajarê Rihayê qewimî. Li gor zanyariyan, otomobîla bi şofêrtiya Ferhat Yeter ji kontrolê derket û wergeriya.

Di bûyerê de şofêr û xizmên wî yên di nav otomobîlê de Mecnûn, Haticem Aslihan û Serhat Yeter birîndar bûn.

Li ser agahdarkirina aliyên peywendîdar, tîmên tendirûstiyê gehiştin cihê bûyerê û nexweş bi ambûlansan bo nexweşxaneyên bajêr hatin veguhestin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger