Kurdistan
Nêçîrvan Barzanî bi şandeyeke Senatoya Amerîkayê re civiya / Wêne: Serokatiya Herêma Kurdistanê
Hewlêr (Rûdaw) – Serokê Herêma Kurdistanê Nêçîrvan Barzanî bi şandeyeke Senatoya Amerîkayê re civiya.
Serokatiya Herêma Kurdistanê li ser cevîna Nêçîrvan Barzanî û şandeya Amerîkayê daxuyaniyek da.
Li gorî daxuyaniyê şandeyê daye zanîn, “Amerîka dê piştgiriya xwe ya ji bo Îraq û Herêma Kurdistanê bidomîne.”
Serokatiya Herêma Kurdistanê da zanîn ku sanatorên Amerîkayê Joni Ernst, Senator Ted Budd û şandeya bi wan re tevî civînê bûne.
Hat ragihandin ku mijarên wekî “pêwendiyên Amerîkayê yên bi Îraq û Herêma Kurdistanê re, pirsgirêkên Hewlêr û Bexdayê û diyalogên ji bo çareserkirina van pirsgirêkan û rewşa Îraq û Herêma Kurdistanê” hatine nirxandin.
“Amerîka girîngiyê dide pêwendinyên bi Herêma Kurdistanê re”
Şandeya Amerîkayê daye zanîn ku dê piştgiriya Amerîkayê ya ji bo Herêma Kurdistanê bidome û gotiye:
“Amerîka girîngiyê dide pêwendinyên bi Herêma Kurdistanê re û Herêma Kurdistanê wekî hevpeymaneke girîng û binirx dibîne.”
Senatorên Amerîkayê rola girîng a Pêşmergeyan a di têkbirina DAIŞê de bi bîr aniye û diyar kiriye ku Pêşmerge ji bo aramiya Îraqê jî xwedî roleke girîng in.
Nêçîrvan Barzanî jî ji bo piştigiriya wan a ji bo Îraq û Herêma Kurdistanê spasiya Senato û Kongreya Amerîkayê kir.
Li hêla din, Balyozê Amerîkayê yê Îraqê û Konsulê Giştî yê Amerîkayê yê Herêma Kurdistanê jî beşdarî civînê bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse