Li Başûrê Kurdistanê leşkerekî din mir
Hewlêr (Rûdaw) – Li nav axa Başûrê Kurdistanê leşkerekî din ê Tirkiyeyê mir.
Wezareta Parastinê ya Tirkiyeyê got ku birûskê li wî leşkerî daye û ew miriye.
Hat ragihandin ku navê wî leşkerî Ata Goçmen e û ew çawişê pispor bûye.
Wezaretê li ser nasnameya wî leşkerî ti agahiyên din nedan û got ku li herêma “Operasyona Pence-Kilîdê” miriye.
Wezareta Parastinê ya Tirkiyeyê du roj berê jî ragihandibû ku leşkerekî wan ji ber lêdana birûskê miriye.
“Operasyona Pence-Kilîdê”
Artêşa Tirkiyeyê 17ê Nîsana 2022yan li deverên Zap, Avaşîn û Metînayê yên Başûrê Kurdistanê bi hinceta gerîlayên PKKyê dest bi êrişeke bi navê “Operasyona Pence-Kilîdê” kir û ew êriş heta niha jî berdewam dike.