Kurdistan
Hemwelatiyê bi navê Cem Vazo bi boneya 83mîn salvegera Komujiya Dêrsimê ala Kurdistanê vekir
Dêrsim (Rûdaw) - Hemwelatiyekê bi vekirina ala Kurdistanê Komkujiya Dêrsimê bibîr anî û got, “Komkujiya li Dersimê çi be komkujiya Helebçe, Xerzan, Başûr û Agirî jî ew e.”
Li Dêrsima Bakurê Kurdistanê hemwelatiyekê bi boneya bibîranîna salvegera Komkujiya Dêrsimê li ber peykerê Seyîd Riza Ala Kurdistanê vekir û bi tenê xwe çalakiyek encam da.
Hemwelatiyê bi navê Cem Vazo bi boneya 83mîn salvegera Kokujiya Dêrsimê ku di encamê de bi deh hezaran Kurd hatibûn komelkujkirin û koçberkirin, çalakiyek encam da.
Cem Vazo li ber Peykerê Seyîd Riza li navenda Dêrsimê, bi vekirina ala Kurdistanê qurbaniyên komkujiyê bibîr anîn û diyar kirk u êşên wê komkujiya qirkirinê nû ne û berdewam in.
Wî hemwelatiyê ku bi tenê çalakiya bibîranînê encam da got, “Komkujiya li Dersimê çi be komkujiya Helebçe, Xerzan, Başûr û Agirî jî ew e. Heftiyek berê ji ber ku zarokek kurd bû hat kuştin.”
Herwiha Cem Vazo got, “Em vê roja reş lanet dikin” û diyar kir, “Ez ala Kurdistanê li ser navê kurdên li Kurdistanê û hemû dinyayê bi peykerê pîrê xwe Seyîd Riza ve datînim.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse