Hwlêr (Rûdaw) - Li gorî Rêveberiya Giştî ya Keşnasiyê ya Tirkiyeyê îro li seranserê Tirkiye û Bakurê Kurdistanê baran û berf dibarin.
Rêveberiya Giştî ya Keşnasiyê ya Tirkiyeyê pêşbînî dike, îro li parêzgehên wekî Mereş, Amed, Êlih, Sêrt, Mêrdîn û Şirnexê şilî û baran be û egera rabûna lehiyê heye.
Rêveberiya Giştî ya Keşnasiyê ji welatiyan xwest ku tedbîrên pêwîst wergirin.
Li parêzgehên Wan, Colemêrg, Agirî, Îdir, Qers, Mûş, Erdexan, Erzirom û Sêwazê jî berf û şilope dibarin.
Rêveberiya Giştî ya Keşnasiyê ya Tirkiyeyê ji bo hinek ji wan parêzgehan hişyariya aşûtê jî daye.
Li seranserê Tirkiyeyê di pileya germê de guherîneke zêde nîne û li gorî demsalê pileya germê hîn bilind e.
Li hinek deveran li gel barana gur hêza ba jî zêde dibe.
Li gorî pêşbîniyan, rojên 4-5ê Kanûna Pêşîna 2024an jî li seranserê Tirkiye û Bakurê Kurdistanê baran û berf dibare.
6-7ê Kanûna Pêşîn jî li gelek parêzgehên Tirkiyeyê baran e lê li Bakurê Kurdistanê hawa sayî ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse