Li Bakurê Kurdistanê serma bandoreke nerênî li jiyanê dike

Hewlêr (Rûdaw) - Li gelek bajarên Bakurê Kurdistanê, hewaya sar û berfa zêde bandoreke nerênî li jiyana rojane ya welatiyan dike.

Li parêzgehên Erzerom, Agirî, Qers, Sêwas û Erdexanê kolan û park bi berfê spî bûne û rê û peyarêyan qeşa girt.

Herwiha li Erzeromê, ji ber sermaya zêde rê û peyarêyan qeşa girtiye û bo welatiyan derketina derve zehmet bûye. Hat ragihandin ku tîmên Şaredariya Bajarê Mezin a Erzeromê, ji bo paqijkirina berfê ji nav bajêr li ser kar û xebatên xwe berdewam in.

Li Agiriyê ser baniyên xaniyan û çem û rûbarên li bajêr qeşa girtin. Welatî ji bo zerarê nebînin otombîlên xwe bi çadir û brandayan dinixumînin.

Li Qersê jî sermaya zêde bandoreke nerênî li jiyana mirov û ajeldaran dike. Cihên çêrandina ajelan qeşa girtine û ajel di dîtina xwarinê de zehmetiyan dikşînin. Li Erdexanê jî ji ber serma zêde gol û çeman qeşa girtine û kolan spî bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger