Dêrsîm (Rûdaw) – Li bajarên Çewlîg û Dêrsîmê yên Bakurê Kurdistanê erd hejiya. Erdhejê tirs xist nav dilê welatiyan lê tiştek bi kesî nehat.
Şeva borî erdheja ku navenda wê gundê Sêvgelik ê ser bi qezaya Gêxî ya bajarê Çewlîgê bi mezinahiya 5.5an di saet 01:27an de hejiya.
Piştî vê erdhejê heta saet 01:47an şeş erdhejên din rû da ku mezinahiyên wan di navbera 3.6 û 2.3 de bûn. Ji ber nêzîkbûna qezaya Gêxiyê, li Dêrsîmê jî ev erdhej hat hiskirin, bajarên cîran Xarpêt û Ezirgan jî hejiyan.
Li gorî amarên zanistî duh piştî nîvroyê di saet 15:48an de erdheja ku navenda wê gundê Civrag a qezaya Qisle ya bajarê Dêrsîmê bû, bi mezinahiya 3.5 rûda.
Ev her dû navendên erdhejê gundê Sêvgelik û gundê Civrag di warê erdnîgarî de nêzîkî hev in. Erdheja ku navenda wê Çewlîg bû, 5 kîlometir jêr erdê qewimî, erdheja ku navend wê bajarê Dêrsîmê bû jî 3,6 kîlometir li jêrerdê rû da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse