Hewlêr (Rûdaw) - Li navçeya Sarîqamîşê ya parêzgeha Qersê ya Bakurê Kurdistanê, otomobîlekê li hirçê da û hirç mir.
Li gorî agahiyan, kesekî li ser rêya navbera navçeya Sarîqamîşê û parêzgeha Erziromê li herêma Çemê Kewê hirçek li erdê dîtiye ku ew hirç bê liv û tevger e.
Li ser agahdarkirinê cendirme û tîmên Parastina Xweza û Parkên Nîştimanî çûn cihê bûyerê.
Ekîban tesbît kir ku hirça boz ji ber lêdana otomobîlekê miriye.
Li parêzgeha Qersê ku yek ji parêzgehên herî sar ên Bakurê Kurdistanê ye, bi hatine sir û sermayê re ajelên wê derê jî di dîtina xwarinê de rûbirûyî zehmetiyan dibin û gelek caran dadikevin nav cihên nîştecihbûnê.
