Hewlêr (Rûdaw) - Li navçeya Bismilê ya parêzgeha Amedê ya Bakurê Kurdistanê, li kargehekê karker û hosta pevçûn.
Di encama vê pevçûnê de kesek hat kuştin û 12 kes birîndar bûn.
Vê pevçûnê doh li gundê Ofê yê Bismilê li kargeheke cilûbergan rû da.
Karker û hosta ji ber sedemeke nediyar pev çûnû wan bi dar û kêran êrişî hevdû kir.
Di encama pevçûnê de Celal A.yê 62 salî canê xwe ji dest da û 12 kes jî birîndar bûn.
Li ser agahdarkirinê tîmên tenduristiyê û hêzên ewlehiyê çûn cihê bûyerê.
Tîmên tenduristiyê 12 birîndar rakirin Nexweşxaneya Dewletê ya Bismilê.
Li ber nexweşxaneyê jî mirovên her du aliyan êrişî hev kirin.
7 birîndarên ku rewşa wan a tenduristiyê giran e veguhastin nexweşxaneyên navenda Amedê.
Derbarê bûyerê de lêpirsîn hat destpêkirin û bi biryara Serdozgeriya Komarê ya Bismilê birîndarên bi navê U.D, M.A, R.A, Î.A. û M.A. yên ku dermankirina wan temam bû hatin desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse