Hewlêr (Rûdaw) - Li navçeya Ebexê ya ser bi parêzgeha Wanê ya Bakurê Kurdistanê ve, doh 2ê Mijdarê ji ber sedemeke nehat zanîn 3 muxtar hatin desteserkirin.
Li gor zanyariyan li navçeya Ebexê ya Wanê, hêzên cendirme bi ser malên muxtarên gundên Navrê, Şêx Romî û Gomikê de girtine û ew desteser kirine.
Hat zanîn ku her sê muxtar bo navenda Wanê hatine veguhestin.
Derbarê desteserkirina 3 muxtaran de heta niha ji aliyên saziyên fermî ve ti daxuyanî nehatine dayîn.
Herwiha heta niha sedema desteserkirina wan muxtaran nehatiye eşkerekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse