Hewlêr (Rûdaw) - Biryar e îro komîsyona bilindya hilbijartin û rapirsiyan a Herêma Kurdistanê, encamên destpêkê yên hilbijartinên parlamentoya Kurdistanê ragihîne.
Nûçegihanê Rûdawê ragihand, ku komîsyon hemû hewlên xwe dide ji bo demjimêr 6ê êvara îro Çarşembî 3ê Cotmeha 2018 encamên destpêkê yên hilbijartinên 30ê Îlonê belav bike.
Li gor yasaya hilbijartinên parlamentoyê, pêwîst e komîsyon piştî bidawîhatina hilbijartinan di dema 72 demjimêran de encamên destpêkê yên hilbijartinan ragihîne.
Nûçegihanê Rûdawê herwiha got, îro serê sibehê komîteya gilînameyan dê li gel civata komîsyaran bicive, ji bo ku gotûbêjê li ser çawaniya encamdana lêkolînan li ser wan gilînameyan bikin, ku li cem komîsyonê hatine tomar kirin.
Li gor zanyariyên Rûdawê, li parêzgeha Silêmaniyê 103 sindoq û li parêzgeha Hewlêrê 78 sindoq û li Duhokê jî 56 sindoq ji ber giliyan qurdêleya sor lê hatiye girêdan.
Komîsyonê jî ragihandiye, ku ew dê bi hûrî lêkolînan li ser wan sindoqan bikin.
li gor wan encamên ku gihîştine ber destê Rûdawê, PDKê ji sedî 45ê dengan bidest xistine.
Rêjeya dengên partiyan li gor wan encamên ku ji komisyonê ketine destê Rûdawê ketine, wiha ye:
PDK: % 45.09
YNK: % 19.4
Goran: % 11.8
Nivşê Nû: % 8.3
Komel: % 6.99
Berev Îslah: % 5.39
Serdem: % 1.06
Hejmara Dengên Partiyan:
PDK: 658 hezar û 450 deng
YNK: 277 hezar û 997 deng
Goran: 172 hezar û 258 deng
Nivşê Nû: 122 hezar û 244 deng
Komel: 102 hezar û 49 deng
Berev Îslah: 78 hezar û 670 deng
Serdem: 15 hezar û 423 deng
Hejmara Kursiyên Aliyên Siyasî:
PDK: 45 kursî
YNK: 19 kursî
Goran: 13 kursî
Nivşê Nû: 9 kursî
Komel: 7 kursî
Berev Îslah: 6 kursî
Serdem: 1 kursî
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse