Li Merîwanê di 2 rojan de 3 kesan canê xwe ji dest da
Hewlêr (Rûdaw) - Li ser rêya Merîwan-Sineyê di bûyereke trafîkê de kesekî canê xwe ji dest da û 5 kes jî birîndar bûn.
Doh piştî nîvro li ser rêya bajarên Merîwan û Sineyê yên Rojhilatê Kurdistanê 2 otomobîl li hev qelibîn.
Di encama qelibîna her du otomobîlan de kesekî canê xwe ji dest da û 5 kes jî birîndar bûn.
Li Merîwanê di 2 rojên borî de 3 kesan di qezayên trafîkê de canê xwe ji dest da û 10 kes jî birîndar bûn.
Du xortên 15 û 16 salî roja şemiyê li ser rêya Merîwan û Sewlawayê di encama qelibîna barhilgir û otombîlekê de canê xwe ji dest da.
Li aliyê din, şeva înê li ser rêya Merîwan-Deriyê Sînorî yê Başmaxê di encama qezayeke 2 otombîlan de 5 kes birîndar bûn.
Li gorî amarên fermî, ji 21ê Adara 2021ê heta 21ê Adara 2022yan li Rojhilatê Kurdistanê û Îranê 19 hezar û 490 kes di bûyerên trafîkê de canê xwe ji dest da.
Ji wan 15 hezar û 439 kes mêr û 4 hezar û 510 kes jî jin bûn.
Di heman demê de 369 hezar kes di qezayên trafîkê de birîndar bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse