Hewlêr (Rûdaw) – Li navçeya Çinarê ya ser bi parêzgeha Ameda Bakurê Kurdistanê ve di bûyereke trafîkê de, kesek mir û 3 kes birîndar bûn.
Li taxa Başakliyê ya navçeya Çinarê, îro otomobîlek li traktorekê qelibî. Di bûyerê de kesekî canê xwe ji dest da û 3 kes jî birîndar bûn.
Li gor zanyariyan, rêwiyê otomobîlê yê bi navê S.T ê 26 salî li cihê bûyerê canê xwe ji dest daye, şofêrê otomobîlê M.T, rêwiyekî din ê di otomobîlê de yê bi navê B.T ê 27 salî û şofêrê traktorê Y.G ê 20 salî birîndar bûne.
Li ser agahdarkirinê, tîmên tendirustiyê û ambulans bo cihê bûyerê hatine şandin û birîndar bi rêya ambulansan rakirin Nexweşxaneya Dewletê ya Bismilê.
Hatiye ragihandin ku yek ji birîndarên bûyerê B.T. piştî midaxaleya ewil bo Nexweşxaneya Perwerde û Lêkolînê ya Gazî Yaşargîl a Amedê hatiye veguhastin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse