Kurdistan
Rêveberiya Emnî ya Wanê di daxuyaniyekê de aşkere kir ku du kes bi sedema qaçaxçîtiya koçberan hatine girtin.
Hewlêr (Rûdaw) - Li parêzgeha Wanê ya Bakurê Kurdistanê hefteya bihorî 4 kes bi hinceta qaçaxçîtiya koçberan hatibûn desteserkirin û bi biryara dadgehê 2 kes ji wan bi heman hincetê hatin girtin.
Li gor daxuyaniya Rêveberiya Emnî ya Wanê bi armanca rûbirûbûna “qaçaxçîtiya koçberan û bazirganiya mirovan” operasyon berdewam in û di navbera 26ê Hezîranê û 2ê Temûza 2023an de di du operasyonan de 4 kes bi îdîaya qaçaxçîtiya koçberan hatine desteserkirin.
Di daxuyaniyê de tê gotin, piştî karûbarên yasayî ji wan 4 kesan 2 kes bi biryara dadgehê hatine girtin û 2 kes jî bi şertê kontrola edlî hatine berdan.
Tê gotin ku operasyonan de cendirmeyan dest danîne ser otomobîlekê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse